El lumchon

Message d'erreur

User warning: The following module is missing from the file system: acquia. For information about how to fix this, see the documentation page. in _drupal_trigger_error_with_delayed_logging() (line 1156 of /home/cafougne/cafougnette/includes/bootstrap.inc).

À Henri Gauquié

Un lum’chon, quittant s’ cahute
Et voulant canger d’ log’mint,
S’in allot, s’lon s’ n’habitute,
Pian’, pian’, tout du long du qu’min.

El lum’chon, rien né l’ boul’verse…
Il arriv’ tout près d’un pont :
In vingt-quatre heur’s il l’ traverse…,
I-avot bin vingt mètres d’ long !

El lum’chon, ch’ n’est point eun’ moule ;
Mais à peine i-arrive au d’bout,
Qué v’là bin l’ pont qui s’écroule,
El plancher tout sans sus d’sous.

« Vett’ qu’i dit lum’chon sans bile
In s’artournant d’ l’aut’ côté,
Si in n’ s’rot point si agile,
Comme in s’rot écrabouillé ! »