L’ terri

Message d'erreur

  • Notice : Trying to get property of non-object dans soundcloudfield_field_formatter_view() (ligne 427 dans /home/cafougne/cafougnette/sites/all/modules/soundcloudfield/soundcloudfield.module).
  • Notice : Trying to get property of non-object dans soundcloudfield_field_formatter_view() (ligne 428 dans /home/cafougne/cafougnette/sites/all/modules/soundcloudfield/soundcloudfield.module).

À mon ami Moïse Théron

Berlin’ par berlin’, l’ terri d’ terre
Chaqu’ jour prind du tour et d’ l’ hauteur.
Chaq’ pallé’ d’ ménu comm’ chaqu’ pierre
Rappelle un effort du mineur.

Parfos c’ mancheau lâch’ dé l’ feumière
Ou bin des bouffé’s d’ fort’ caleur…
L’grisou, comme eun’ biète dins s’ tanière,
I pass’ la-d’sous s’ dernièr’ fureur.

En haut, les tiots cacheux d’gaillettes
S’agit’nt comm’ des marionnettes ;
In dirot qu’i vont toucher l’ciel.

Ces gest’s, leu’ voix qui s’ déclaminte,
Rappell’nt mes gins-là d’ l’histoir’ sainte
Qui faisottent l’ Tour dé Babel !