Fraternité

Message d'erreur

  • Notice : Trying to get property of non-object dans soundcloudfield_field_formatter_view() (ligne 355 dans /home/cafougne/cafougnette/sites/all/modules/soundcloudfield/soundcloudfield.module).
  • Notice : Trying to get property of non-object dans soundcloudfield_field_formatter_view() (ligne 356 dans /home/cafougne/cafougnette/sites/all/modules/soundcloudfield/soundcloudfield.module).

A ma chère fille Hélène en souvenir
de son emprisonnement

Pou les pauv’s prisonniers, l’existence étot dure
Sous l’ régime infernal des sal’s Prussiens d’ malheur !
Nous avons vu souffrir ces minap’s créatures…
In n’peut point y pinser sans eun’ souffrance au cœur.

À ces homm’s manbournés par la faim et l’ torture,
In arrivot parfos à glicher eun’ douceur.
Nous partageott’ in frèr’s not’ trop peu d’ norriture ;
Mais l’ Boche nous impêchot d’abréger la douleur.

L’ gendarm’, gavé t’ qu’à l’ gorg’ du produit d’ ses rapines,
Infermot in prison ch’ti qui donnot s’ tartine
Au malheureux captif accablé, morant d’ faim…

Les gins imprisonnés pou l’ même fait, cha pullule :
Et m’fille aînée aussi fut fourrée in cellule
Pou avoir aux Inglais donné sin morciau d’pain.

Avril 1918