Fraudeuse

Message d'erreur

  • Notice : Trying to get property of non-object dans soundcloudfield_field_formatter_view() (ligne 355 dans /home/cafougne/cafougnette/sites/all/modules/soundcloudfield/soundcloudfield.module).
  • Notice : Trying to get property of non-object dans soundcloudfield_field_formatter_view() (ligne 356 dans /home/cafougne/cafougnette/sites/all/modules/soundcloudfield/soundcloudfield.module).

À Paul Theunissen.

L’ femm’, trannant d’ peur, travers’ les camps,
Evitant les qu’mins, les voyettes,
All’ s’arrêt’ court, l’air hésitant,
Quand les avoin’s branl’nt leus sonnettes.

Soudain all’ sé muche, in s’ baissant,
Dins les épis d’ soile, à croupette ; Car elle a vu, là pus avant,
Un gendarm’ prussien qui ravette.

L’ Boche s’éloigne, el visach’ bourru,
In vot glicher s’n’ ombrag’ pointu.
L’ femm’ tranne incor, sin coeur i floche.

Car – grand’ coupable – alle a fraudé
In acatant plein s’ poche d’ blé
Pou faire un pain blanc a s’ tiot mioche.