Remerciements et compliments à Yannick Hornez pour son invitation à - non pas - « boire un coup » mais « déguster » comme on dit à c’ t‘heure… en compagnie d’excellents viticulteurs. On est ressortis plein de viniculture. Yannick a regroupé autour de lui des gens plein de talents et d'autres très partageux, à La Laiterie, pleins pots, j’étos contint de retrouver François Boucq. Une très belle soirée, merci Momo, ch’est ti qui m’a envoyé la photo avec el’ texte idoine !

L’ buveu d’ bière

I n’ vit qu’ pou l’ cabaret. Aussitôt qu’il y rinte,
I jett’ ses yeux su l’ pompe acolée au comptoir.
D’eun’ gross’ voix grasseyant’ i commande eun’ grand’ pinte
Et fait claquer s’ palais in attindant d’ l’avoir.

In l’ sert. I-saque el chop’ comm’ si l’in d’vot li arprinte.
I souffelle su l’ mousse qui spite in arrosoir,
I bot. L’ biér’ dégouline in gargouillant dins s’vinte :
In crot qué l’ verr’ va fondr’ dins s’ bouque in intonnoir.

L’ pinte est vut’. Guife-à-bièr’ chuch’ les bords dé s’ moustache,
Buque s’ chope un bon cop su l’ table, avec tapache,
Et l’ cabar’tièr’ rapplique à c’ signal du buveu.

In rimplit… Not galaf’, l’œil brillant d’ gourmandisse,
R’jette el bière à grands flots dins s’ gorge in manch’ dé qu’misse,
Et l’ bon jus s’évapor’ comme eun’ goutt’ d’iau su l’ feu.

Jules Mousseron