Évacué

Message d'erreur

User warning: The following module is missing from the file system: acquia. For information about how to fix this, see the documentation page. in _drupal_trigger_error_with_delayed_logging() (line 1156 of /home/cafougne/cafougnette/includes/bootstrap.inc).

A Madame et à Monsieur Fernand Denayer.
A Madame et à Monsieur Charles Bernier.

Les Boch’s nous chassent d’ not’ pays,
Et l’in va d’ misère in misère,
Lon des siens, sans git’, sans abri,
N’ayant pus qu’ nos deux yeux pou braire.

Heureux ch’ti qui trouv’ des amis
Qui, d’emblé’, vous archoiv’nt in frère
Et soign’nt les coeurs indoloris,
Soulageant l’âm’ comme eun’ prière.

Providenc’ des traîneux d’ quémins,
Qu’i soit’nt bénis, ces vrais humains !
Qué l’ guerr’ pour euss’s n’ fuch’ point cruelle !

Qu’ les Boch’ n’ les chass’nt point à leu tour.
Jé n’ lieu souhait qué des bieaux jours
Par arconnaissance éternelle !

Dour, (Belgique) octobre 1918.