Humanité

Message d'erreur

User warning: The following module is missing from the file system: acquia. For information about how to fix this, see the documentation page. in _drupal_trigger_error_with_delayed_logging() (line 1156 of /home/cafougne/cafougnette/includes/bootstrap.inc).

Aux Forg’ dé D’nain, où les Boch’s arbitraires
Vol’nt les machin’s pou nous anéantir,
In fait ouvrer d’nombreux prisonniers d’guerre,
In plein hiver, sans presque les norrir.

Mais des civils, Français humanitaires,
Par les barriaux isolant les martyrs,
Pass’nt in much’-muche à ces pauv’ militaires
Des vivr’s tout cauds happés avec plaisir.

Pindant qué l’boche au coin d’un feu ronfelle,
In ming’ brûlant l’ riz funquant del gamelle
Vit’ pou fair’ plache à d’aut’s frèr’s affamés.

Et, – biau tableau ! – dins c’ trist’ momint d’famine,
D’ z’infants aussi apport’nt leus noir’s tartines
Et d’leus grêl‘s mains les offr’nt aux prisonniers.