El canon rembuque à outrance
Des grond’mints d’orag’ continus.
Là-vo pus lon, nos soldats d’ France
Nous défind´nt à grands cops d’obus.

In r’marqu’ qu’au cim’tière, el puissance
Du canon résonne incor pus.
L’ champ du r’pos a cor eun’ souffrance,
La guerre y pos’ ses dogts fourqûs.

Les caveaux, caiss’s sonor’s funèbres,
Répèt’nt terribl’, dins les ténèbres,
L’écho des tueri’s du déhors.

La guerr’, s’ moutrant partout hargneuse,
Sait tourminter, pa s’ voix hideuse,
L’erpos des vivants et des morts.

1915