I n’ vit qu’ pou l’ cabaret. Aussitôt qu’il y rinte,
I jett’ ses yeux su l’ pompe acolée au comptoir.
D’eun’ gross’ voix grasseyant’ i commande eun’ grand’ pinte
Et fait claquer s’ palais in attindant d’ l’avoir.

Y-a-t-i quéqu’un d’ pus malhéreux
Qu’eun’ femm’ qu’all marie un ivronne ?
Y-a-t-i pus vilain qu’un buveux
Qui rintr’ saoul chaqu’ jour à s’ maisonne ?

Cha n’est point biau, au cabaret,
Ed’ toudis dir’ du mau des femmes,
Surtout quand l’ sienne est là tout près…
In est souvint arfait au même.

Chacun s’ rappell’, – cha n’est point si vieux qu’ cha, –
Qué Cafougnett’ baroutot d’ l’escaillache.
Avec les sous d’ l’héritanc’ Marmoura
L’ bon Zeph s’étot acaté un att’lache…

Cafougnett’, dins s’ jeuness’, manquot souvint d’ conduite.
I buvot comme un tro et f’sot des dett’s partout…
Un jour, dins un café, i rintre, d’un air timite,
I n’avot pus un liard et n’étot point cor saoûl…