Quand les grands jours d’hiver sont outre.
Sitôt qué l’ clair printemps s’amoutre,
Tout s’ décafote eddins l’instinct
Du vrai amateur ed’ gardin.

Un lum’chon, quittant s’ cahute
Et voulant canger d’ log’mint,
S’in allot, s’lon s’ n’habitute,
Pian’, pian’, tout du long du qu’min…

L’aut’ jour, el bon Cafougnette,
L’homme in n’ peut point pus honnête,
Ouvrot comme cha inter temps,
In rêt’lant s’ blé dins les camps…

Comm’ Cafougnette i-armet del tierre
Et qu’i l’ cultiv’ cor assez bin,
Pou li avoir des gros peun’s-tierre
Y-arniquell’ toudis à s’ gardin…