Momint d’ bonheur
Quand, bin mat’, j’arviens dé l’ fosse,
Chu qui m’ met in bonne humeur,
Près de m’ maison, ch’est m’ tiot’ gosse
Qui dins mes gamb’s il acqueurt.
ménage
L’ guéïole
Un soir, el’ tiot Dodoph’ soupot avec ès père.
S’ tartin’ n’étot point crasse : i n’arrêtot point d’braire :
« Vettiez, pèr’, j’ai point d’ burr’ ch’est si sec qué du bos,
In avalant m’ bouchie, à m’ gassiau jé m’ fais d’ mo ! »
Botout l’ saouleux
Y-a-t-i quéqu’un d’ pus malhéreux
Qu’eun’ femm’ qu’all marie un ivronne ?
Y-a-t-i pus vilain qu’un buveux
Qui rintr’ saoul chaqu’ jour à s’ maisonne ?
L’ mariage à chabots
A s’futur’ belle’mère, eun’ vieill’ teuche
L’ Tiss’ par un biau jour va d’mander :
« Voulez-vous qu’ vot’ fille all’ mé veuche !…
Voulez-vous nous laisser marier ? »
Cafougnette in Amérique
Cafougnette, i n’y a point longtemps,
A marié l’pus vieux d’ses infants, –
Adèle, eun’ belle et gross’ fille,
El pus arvénant’ del famille.
L’ jour del’ noc’ Cafougnett’ contint
Ed caser s’ fille core assez bin,
S’met à boir’ del bière à plein’ pinte –
Il in bot tant qu’i peut in printe.
L’ cop d’ poing électrique
Cafougnette i-avot du chagrin.
Es’ femme, el coquett’ Véronique,
Tot partie, avec es’ visin,
Ténir ménache in Amérique.
Vaut mieux s’ taire !
Cha n’est point biau, au cabaret,
Ed’ toudis dir’ du mau des femmes,
Surtout quand l’ sienne est là tout près…
In est souvint arfait au même.
L’ panier d’ pronnes
L’aut’ jour, Zeph’ Cafougnett’ s’étot mis in colère :
I-avot caché dispute à sin propriétaire.
C’ propriétaire étot v’nu visiter l’ maison
Et n’ voulot point fair’ faire aucun’ réparation.
